Synthetic Data Factory

De Service Synthetic Data Factory vum LNDS hëlleft Iech, Äre syntheeteschen Datesaz op der Grondlag vu statisteschen Informatiounen an de fundamentalen Zesummenhäng tëschent Äre Partikularitéiten opzebauen. D’Synthetic Data Factory bitt syntheetesch Datesätz baséierend op nationalen ëffentlechen Donnéeën, déi disponibel sinn, dorënner déi statistesch Verdeelung vu Persounen, Betriber, Stroossen, Infrastruktur asw.

Méi séier mat syntheeteschen Donnéeë virukommen

Wousst Dir, dat Dir an de meeschte Fäll net musst waarden, bis Dir Zougang zu richtegen Donnéeën hutt, fir unzefänken, op Ärem Projet ze schaffen?

D’Generéieren an d’Benotze vu syntheeteschen Donnéeë kann déi éischt Phas vun Ärem Projet beschleunegen. Mathëllef vu syntheeteschen Donnéeë kënnt Dir Är Hypotheesen, Modeller an Algorithmussen am Viraus u kënschtlechen Donnéeën testen, déi d’Eegenschaften an d’Zesummenhäng vu richtegen Donnéeë simuléieren. Dat Besonnescht un der Method vun de syntheeteschen Donnéeën ass, dass d’Gesamtstatistiken an d’Zesummenhäng tëschent den Donnéeën erhale bleiwe kënnen, wärend de Risiko vun enger Dateschutzverletzung esouwéi den Opwand fir d’Anhale vun de Rechtsvirschrëften, déi fir d’Deelen an d’Veraarbechtung vu richtege perséinlechen oder privaten Donnéeë bestoe géingen, verréngert ginn. An anere Wierder: Syntheetesch Datesätz kënnen hëllefräich sinn, fir verschidde Projete méi séier virunzedreiwen an d’Verbreedung vun Donnéeën ze fërderen, wärend gläichzäiteg Verletzunge vu sensibelen Donnéeën vermeit ginn a fir d’Veraarbechtung an d’Analys vun Donnéeën héichsécher Mesurë getraff ginn.

e kollaborative Service

D’Synthetic Data Factory ënnerscheet sech vun de meeschte vun eisen anere Servicer. Mir baue se net eleng – jiddereen ass wëllkomm, säi Bäitrag ze leeschten.

Zil vum Projet ass et, syntheetesch Donnéeë vun der Lëtzebuerger Bevëlkerung aus ëffentlech zougänglechen Datesätz ze generéieren. Laangfristeg soll de Projet op Frontalieren, Betriber a vill aner Ëmweltberäicher ausgeweit ginn.

Un der Synthetic Data Factory matwierken